親子丼

做日本人嘅煮婦係吾可以愉懶架，慶幸我吾係日本人，所以係有得賴嘅！嘻嘻

始終都吾得過份嘅，乖乖地今晚煮日式啦！參考( 在此-cookpad親子丼)，吾使擔心睇吾明，因為改了少少，所以照我版本食譜來煮，一樣掂架！

（2人份）                         

材料：雞肶肉﹣﹣﹣1隻
洋蔥﹣﹣﹣﹣1個
雞蛋﹣﹣﹣﹣2隻(拌勻成蛋槳)
薑﹣﹣﹣﹣﹣1片
蒜頭﹣﹣﹣﹣2片   

調味料：
鹽﹣﹣﹣﹣﹣半茶匙
糖﹣﹣﹣﹣﹣1／4茶匙
粟粉﹣﹣﹣﹣半茶匙
胡椒粉﹣﹣﹣少許
萬字醬油﹣﹣1茶匙
調理酒﹣﹣﹣1茶匙
麻油﹣﹣﹣﹣半茶匙
醬汁：
熱水﹣﹣﹣﹣3／4杯
海鮮素﹣﹣﹣半茶匙
萬字醬油﹣﹣2茶匙
味醂﹣﹣﹣﹣1茶匙

做法：

1．雞肶肉去骨切片，放入薑片和蒜片，落調味料拌勻。洋蔥切片。2．先炒熟雞肉上碟備用。

3．原鑊炒洋蔥，落少許鹽＋糖＋胡椒粉，放回2．再炒勻。熄火。

4．轉用一個尊煮丼飯用嘅平底鑊(10蚊店有得買)，每次只能煮1人份，所以我就分咗兩次煮。放入1份洋蔥雞肉，然後加入醬汁(當然只入一半啦！)，開大火煮至滾起，加入蛋槳快快搞拌後熄火。

5．放上碗白飯上，加紫菜絲點綴,(喜歡辛口味嘅你加少少七味粉都好味架！),親子丼完成喇！

p.s. 請不要用本地豉油，味道吾好而且比較咸，煮出來效果一定吾理想架！煮日本菜始終都係用日本調味料好好多！！

✿Cute太太✿ at 07/26/2013 01:42 pm comment

Very good ar. 請問"海鮮素" & "味醂" 在哪裡買到？

Jessica Tak Tak Lui at 07/26/2013 05:09 pm reply

"海鮮素"喺百佳都搵到, 而 "味醂" 喺日資超市, 例如:Sogo, City Super.... 材料相中左上角嗰支, 寫:"本みりん"就是!! Happy Cooking~ ^_^

端午節炒米粉

今日是端午節，所以特地買隻粽做晚餐，剩係食粽吾夠，但又吾會走去煲飯當餸食，所以就炒米粉喇！

今日假期整天在家冇外出，好彩Tak得廚房一向存貨充足，所以炒出來這個米粉又色香味俱全！

材料：
米粉﹣﹣﹣2個
肉排﹣﹣﹣200g
乾東菇﹣﹣﹣4-5隻(熱水浸至軟身,菇水留待備用)
蛋﹣﹣﹣﹣1隻
薑﹣﹣﹣﹣1片

調味料：
糖,粟粉,鹽﹣﹣﹣各少許
油,酒,豉油﹣﹣﹣各少許胡椒粉﹣﹣﹣﹣﹣少許


1．米粉浸至軟身瀝水，加少許油拌勻順便勻散米粉(炒時可以防痴鑊)，用較剪剪兩下。

2．打勻蛋煎成一塊，切成幼條。東菇切絲。
3．肉排落調味料拌勻，待15分鐘。

4．熱鑊落片薑炒肉排一會，加入東菇，炒一下蓋上煎一會(因為比較大舊，全熟需時，所以蓋上會快點熟)，上碟備用。

5．原鑊中火落油炒米粉，轉細火加鹽＋胡椒，加少許菇水，炒一會加豉油；然後肉排回鑊，加蛋，炒勻，這時可以再加點豉油調味。

6．最後加點麻油，蔥粒，炒勻熄火上碟。

～祝大家端午節快樂～

linlin at 06/13/2013 03:13 pm comment

Looks yummy. Just bought rice noodle yesterdy and will try this recipe.

我的至愛﹣蝴蝶餅Palmiers (附食譜)

想整好耐嘅至愛終於的起心肝喇，因為都幾麻煩，所以遲遲都未動身。
好耐之前學過但一次都未整過，依家拿張食譜睇都睇吾明。
於是又搜尋囉，發覺打蝴蝶餅出來嘅食譜比蝴蝶酥好，而我家也是麵包店有圖解添！所以記得番哂點整啦！識整之後都吾多鍾意買，不過謝寧店就一定會抱場(好想整到有佢咁好食)。

其實話易吾易，話難吾難，最緊要就係要快，因為過程中如果令到牛油融化，就前工盡費了。

水皮 Dough
低筋麵粉   65g
高筋麵粉   65g
鹽              1g
無鹽牛油
(雪凍切粒) 20g
冰水           66g

牛油餡料Fat stuff
有鹽牛油or
起酥牛油     105g
@注意：手粉用高筋麵粉(即是灑上工作枱面用的麵粉)

酥皮Puff pastry

1．先將有鹽牛油置於室溫至軟身，推成約11cm x 11cm正方形，包保鮮紙放回雪櫃，備用。

2．將低筋麵粉，高筋麵粉，雪凍切粒牛油，鹽放入大碗中用手搓勻，再加冰水搓成水皮放入雪櫃雪2小時。(麵粉要篩過)

3．將水皮壓平約15cm x 15cm正方形(我就整到畸形)，將方形牛油餡料斜角放置中間，4角摺上。

4．酥皮先用麵棍平均敲打數下，再壓平推長至適當厚度。
5．向中央橫向摺起1/3，再將另外1/3摺起，包好放入雪櫃約60分鐘。
6．之後再重複步驟#4,#5各1次後，合共5次，每次都把酥皮包好放入雪櫃約60分鐘。

PS. 每次推長摺疊的過程，時間不能太長和室溫不能太熱，切勿令麵團內的牛油融化。

7．將酥皮壓平至約9吋x13吋及厚度為約5mm後再刺孔。(刺孔步驟忘記了)
8．底面兩邊各灑上砂糖，將麵團直放，將兩邊向中央對摺一次，之後再對摺一次，置於冰箱一晚。

9．取出後切約1cm放上焗盤，入爐以200度焗約10分鐘後取出，將蝴蝶餅反轉灑上適量砂糖再約10分鐘至表面金黃色。
＊不同焗爐焗出時間有差別，最好不斷查看，避免焗燶。

改善地方：應該放上焗盤時之間要留多點空間，蝴蝶才可以更加張開翅膀，所以今次焗出來餅中心比較臨身咗啲 。

但賣相都好OK架，囡囡比我滿分添，真係比蝴蝶餅更加甜入心啊！我會繼續努力！

linlin at 06/13/2013 03:16 pm comment

This one is a little complicated. But really want to try someday...... Good Job!