木耳蝦仁炒蛋

既簡單又好味好餸飯的一道菜 --- 木耳蝦仁炒蛋^ ^

（材料）

雞蛋﹣﹣﹣3隻

木耳﹣﹣﹣5g

蝦仁﹣﹣數隻

（配料）

沙律油﹣﹣少許

鹽﹣﹣﹣1茶匙

胡椒粉﹣﹣適量

マヨネーズ(沙拉醬)

鮮奶﹣﹣﹣5g

1。蝦仁用鹽，酒，胡椒粉醃10分鐘。先炒好備用。

2。木耳用熱水浸至發漲，雞蛋先拌勻，加以上配料再拌勻。

3。木耳落熱油鑊先炒，加蝦仁，蛋槳，快手亂炒片刻，熄火。

差不多每天都煮飯，所以有時想簡單些，但又要好味好餸飯，我就喜歡煎餃子做加餸。呢款急凍日式餃子，係我至愛推介(c!ty super有得買)。^3^

非常簡單，免水免油，細火蓋鑊煎10分鐘，搞掂！^_<

加埋飯後果，奇異果。真滿足啊！^o^

香橙牛油蛋糕

終於的起心肝寫食譜喇！（蛋糕編）香橙牛油蛋糕 (^_−)−☆

今晚好想整蛋糕，所以晚餐好簡單，快快脆搞掂就開始動工。所以今晚食日式素麵そうめん(配つゆ汁)，又簡單又好味！^ ^

齊來整蛋糕，請先看食譜！

低筋粉﹣﹣﹣200g

baking powder﹣﹣1茶匙

鹽﹣﹣﹣1/2茶匙

牛油﹣﹣﹣200g

雞蛋﹣﹣﹣3隻

香草精﹣﹣1/2茶匙

砂糖﹣﹣﹣170g

牛奶﹣﹣﹣50g

橙皮容﹣﹣﹣1茶匙

1。牛油放回室溫20分鐘切粒，電動攪拌片刻後加入砂糖，攪拌至軟綿狀。

2。加入蛋漿(隔篩)香草精，再搞拌至均勻。

3。低筋粉隔篩，加入baking powder,鹽；分三次加入，用手棒搞拌(搞時要把周邊漿液括下來搞拌。最後加入牛奶和橙皮容再拌勻。

4。倒入放上烘焙紙焗盆裏，放入預熱180度焗爐焗20分鐘，之後取出用小刀在中央輕輕割一直線，這樣焗出來爆口會美觀,可以不用割,爆口就會自由發揮喇！

5。轉170度再焗25分鐘，用牙籤插入，取出沒有漿液便是完成喇！Y(^_^)Y

鶏の手羽中と蓮根の煮物

如果直譯應叫做蓮藕炆雞翼，不過這是日本菜，而且是我奶奶教我煮，所以用原名比較親切。
其實煮法相當簡單，不過配搭就要講究，對於我呢個“差不多先生”性格，初時真覺得有點煩，但自從用心鑽研烹飪後，開始對每個細節都非常講究，吾再做“差不多先生”啦！
材料：所有根部蔬菜都OK；配以雞肉或雞翼。
講究就係如果用雞肉就不要薯仔，雞翼就必需配薯仔喇！
大約選擇3種蔬菜，太多就雜亂喇，要亂切細件(乱切り)。鍾意可加蒟蒻，都可以架！
看看今次材料啦！

材料：

雞翼(中部)﹣﹣﹣8隻

蓮藕﹣﹣﹣1節

紅蘿蔔﹣﹣﹣1個

薯仔﹣﹣﹣2個

白芝麻﹣﹣﹣少許

1。所有蔬菜亂切細件，蓮藕薯仔浸水避免發黃。雞翼＋(醃料:豉油2湯匙,酒1湯匙)醃15分鐘。

2。先炒香雞翼(半熟OK)，備用。原鑊炒蔬菜，加少許鹽+胡椒粉，炒數分鐘加入2/3杯熱水，加1茶匙海鮮素，拌勻蓋上煮片刻。放回雞翼蓋上細火煮15分鐘。

3。加入2湯匙豉油+1湯匙味醂+2茶匙糖，煮數分鐘，加入少許麻油和白芝麻，熄火。

p.s.豉油要選用“萬字醬油”，和日本料理酒呀！

鮮茄焗豬扒飯

終於有番心情玩煮飯仔喇！呢幾日條腰突然鬼死咁痛，搞到成個人冇哂心機，又貼又搽藥膏都搞吾掂。應該套陳年梳化係時候要換啦！應該係...
記得嗎？其實3年前都有post過焗豬扒飯食譜(按此)，今次又卷土重來，改良咗少少，請欣賞呢個加強版啦！^_^

材料：(2人份)

豬扒(連骨)﹣﹣﹣2塊

冷飯﹣﹣﹣2碗

雞蛋﹣﹣﹣2隻

蕃茄﹣﹣﹣2個

洋蔥﹣﹣﹣1個

青椒﹣﹣﹣1個

罐頭波蘿﹣2片

Mozzarella碎芝士

醬汁：

蕃茄醬﹣﹣﹣3湯匙

喼汁﹣﹣﹣2湯匙

鮮露﹣﹣﹣1湯匙

糖﹣﹣﹣2茶匙

水﹣﹣﹣1／3杯

1。豬扒洗淨瀝乾水，用刀柄拍打兩面至鬆身。邊位脂肪位置切兩刀，煎時可避免卷縮。2。搽上少許鹽＋胡椒粉＋麵粉至全身，待15分鐘至入味。3。蛋液加少許鹽落鑊亂炒，加冷飯再炒，邊炒邊壓碎飯至鬆散，加適量鹽＋胡椒粉，炒勻後入焗盆舖平。4。煎香豬扒放上飯上面。5。原鑊落洋蔥，蕃茄，大至中火炒至軟身，中途加鹽＋胡椒粉＋少許水，加青椒，波蘿，醬汁，炒一回，熄火。(不要炒太耐，要保持多汁，飯能夠吸多點汁會更好味！)
6。將5倒入飯舖平，灑上芝士碎，舖滿。
7。預熱焗爐200度，焗10分鐘，轉180度再焗多10分鐘。

Yummy~

吉列豬扒咖喱飯

我家老細喜歡食日式咖喱飯，所以周不時都會煮。食剩就留番第日繼續努力，為免食厭，就會諗諗新煮意，首先請參考日式咖喱飯食譜(請按),  日式咖喱烏冬(請按), 我囡囡鐘意食。

今次就係配吉列豬扒喇！真係好好味，呵呵～

p.s. 食剩咖喱可放入保鮮袋，分幾份放入冰箱保存。

材料：

豬扒﹣﹣﹣2塊

鹽﹣﹣﹣少許

胡椒粉﹣﹣少許

吉列：

蛋漿﹣﹣﹣1隻

麵粉﹣﹣少許

麵包糠﹣﹣少許

1。豬扒洗淨瀝乾水，用刀柄拍打兩面至鬆身。邊位脂肪位置切兩刀，炸時可避免卷縮。

2。搽上少許鹽＋胡椒粉至全身，待15分鐘至入味。

3。吉列步驟：麵粉，蛋漿，麵包糠

4。炸至金黃，瀝油，切件。

豚肉薑汁燒

1. 豚肉400g(山形県豚肉,C!tySuper有得買)，切件，萬字醬油2湯匙，酒3湯匙，拌勻待10分鐘。
2. 熱鑊落肉(不需落油，因為肉本身會出油)，炒到變色後，盛碟備用。
3. 原鑊加1／3杯熱水，醬油2湯匙，沙糖2茶匙，煮熱落回豚肉，炒勻。
4. 加入薑蓉汁1茶匙，拌勻後熄火。
5. 盛碟，灑上蔥粒，配椰菜絲，完成。

火鍋選用 

炒好備用

薑蓉連汁一起拌勻

白汁意粉﹣Carbonara

這兩天因為出外與朋友相聚，所以沒時間完成這遍食譜，今天一定要快快搞掂，免得Blog友們久等嘛！

平日又要上班，又要做家務，所以晚餐通常都會簡簡單單，今次煮這個白汁意粉，就非常簡單方便，而且又好好味。材料又好簡單，今次用火腿，洋蔥，白汁就用忌廉，鮮奶。

1．先將火腿切絲，炒熟後備用。
2．滾水落鹽煮意粉8分鐘，意粉水不要倒，用來煮白汁用的。
3．洋蔥切絲，落鑊炒香，加鹽和胡椒粉，炒一會後加少許麵粉。
4．洋蔥開始杰身後加入意粉水，鮮奶，忌廉。
5．最後加入意粉，火腿，拌勻。

linlin at 05/22/2013 05:02 pm comment

For me, I will add one egg yolk.

水太太 at 05/20/2013 11:01 am comment

yummy!!

Jessica Tak Tak Lui at 05/20/2013 04:48 pm reply

謝謝!