鮮茄焗豬扒飯

終於有番心情玩煮飯仔喇！呢幾日條腰突然鬼死咁痛，搞到成個人冇哂心機，又貼又搽藥膏都搞吾掂。應該套陳年梳化係時候要換啦！應該係...
記得嗎？其實3年前都有post過焗豬扒飯食譜(按此)，今次又卷土重來，改良咗少少，請欣賞呢個加強版啦！^_^

材料：(2人份)

豬扒(連骨)﹣﹣﹣2塊

冷飯﹣﹣﹣2碗

雞蛋﹣﹣﹣2隻

蕃茄﹣﹣﹣2個

洋蔥﹣﹣﹣1個

青椒﹣﹣﹣1個

罐頭波蘿﹣2片

Mozzarella碎芝士

醬汁：

蕃茄醬﹣﹣﹣3湯匙

喼汁﹣﹣﹣2湯匙

鮮露﹣﹣﹣1湯匙

糖﹣﹣﹣2茶匙

水﹣﹣﹣1／3杯

1。豬扒洗淨瀝乾水，用刀柄拍打兩面至鬆身。邊位脂肪位置切兩刀，煎時可避免卷縮。2。搽上少許鹽＋胡椒粉＋麵粉至全身，待15分鐘至入味。3。蛋液加少許鹽落鑊亂炒，加冷飯再炒，邊炒邊壓碎飯至鬆散，加適量鹽＋胡椒粉，炒勻後入焗盆舖平。4。煎香豬扒放上飯上面。5。原鑊落洋蔥，蕃茄，大至中火炒至軟身，中途加鹽＋胡椒粉＋少許水，加青椒，波蘿，醬汁，炒一回，熄火。(不要炒太耐，要保持多汁，飯能夠吸多點汁會更好味！)
6。將5倒入飯舖平，灑上芝士碎，舖滿。
7。預熱焗爐200度，焗10分鐘，轉180度再焗多10分鐘。

Yummy~

吉列豬扒咖喱飯

我家老細喜歡食日式咖喱飯，所以周不時都會煮。食剩就留番第日繼續努力，為免食厭，就會諗諗新煮意，首先請參考日式咖喱飯食譜(請按),  日式咖喱烏冬(請按), 我囡囡鐘意食。

今次就係配吉列豬扒喇！真係好好味，呵呵～

p.s. 食剩咖喱可放入保鮮袋，分幾份放入冰箱保存。

材料：

豬扒﹣﹣﹣2塊

鹽﹣﹣﹣少許

胡椒粉﹣﹣少許

吉列：

蛋漿﹣﹣﹣1隻

麵粉﹣﹣少許

麵包糠﹣﹣少許

1。豬扒洗淨瀝乾水，用刀柄拍打兩面至鬆身。邊位脂肪位置切兩刀，炸時可避免卷縮。

2。搽上少許鹽＋胡椒粉至全身，待15分鐘至入味。

3。吉列步驟：麵粉，蛋漿，麵包糠

4。炸至金黃，瀝油，切件。

腰果/松子牛油果蒸雞飯

材料：

雞脾肉﹣﹣﹣﹣2件
腰果(原味)﹣﹣1小杯
松子(原味)﹣﹣1小杯
牛油果﹣﹣﹣﹣1個
粟米﹣﹣﹣﹣﹣50g
米﹣﹣﹣﹣﹣﹣2杯
水﹣﹣﹣﹣﹣﹣適量

調味料：

鹽﹣﹣﹣﹣1茶匙

雞粉﹣﹣﹣半茶匙

糖﹣﹣﹣﹣半茶匙

胡椒粉﹣﹣少許

橄欖油﹣﹣少許

1。雞肉去皮切件放入調味料待15分鐘

2。飯熟1半時放入雞肉，拌勻

1。腰果搣細粒，牛油果去核切粒

2。飯熟前15分鐘放入腰果和松子

3。飯熟後放入牛油果和粟米

4。拌勻再焗5分鐘

秘製醬汁：

1。豉油4湯匙＋老抽1湯匙＋糖2茶匙＋橄欖油少許

2。加少許水，拌勻，加熱

進食前加少許秘製醬汁，味道一流！

吞拿魚壽司卷

每馮招待朋友, 或搞大食會, 這個壽司卷都必定會出場! 又好味, 又吾會搞到Tak得廚房烏煙瘴氣; 男女老少都喜歡食, 呵呵~
今次我準備了兩盒帶去參加朋友嘅有營聚會喇, 很高興大家食開心, 所以決定拿食譜出來跟大家分享分享!!

哈哈，分享都不忘影番張相！

材料全部都要用日本貨就最好不過喇, 不過由於時間關係, 冇買日本國產米, 買了本地珍珠米(切記:一定要係珍珠米啊!), 都OK啦!

[材料]
珍珠米﹣﹣﹣﹣﹣﹣﹣﹣﹣2杯
罐頭吞拿魚(無油淡味)﹣﹣2罐
乾海苔(紫菜)﹣﹣﹣﹣﹣﹣4片
沙律醬(QB牌)﹣﹣﹣﹣﹣﹣2湯匙
黑芝麻﹣﹣﹣﹣﹣﹣﹣﹣﹣少許
食鹽﹣﹣﹣﹣﹣﹣﹣﹣﹣﹣少計
壽司醋﹣﹣﹣﹣﹣﹣﹣﹣﹣6湯匙
〔工具〕竹簾(卷壽司用)﹣﹣1塊
＊以上份量要分2次做，因為避免攤凍哂！

1。避去吞拿魚水。

2。倒入碗加鹽，沙律醬，黑芝麻；然後拌勻。

3。另碗盛熱飯，加入醋，拌勻。

4。預備好竹簾，紫菜，另1碗食水(卷壽司時濕手用，因為醋飯會好黏手)。

5。看圖卷壽司做法﹣﹣﹣鋪飯3部曲！

6。卷起竹簾一半，雙手輕壓至定型，然後用指尖點水沿紫菜邊塗上，再卷到尾再用手壓至定型。

7。切成一小件，盛碟。

有營聚會真的食得開心，食得健康！

小貼士：切壽司前，必需把刀兩邊濕濕水(少許)、咁就切得順好多喇！

J · 傑夫 at 07/27/2013 07:38 pm comment

加左沙律醬一定好好味！

Jessica Tak Tak Lui at 07/28/2013 12:03 am reply

真的好好味架，記得要加少許鹽，咁就錦上添花喇！

親子丼

做日本人嘅煮婦係吾可以愉懶架，慶幸我吾係日本人，所以係有得賴嘅！嘻嘻

始終都吾得過份嘅，乖乖地今晚煮日式啦！參考( 在此-cookpad親子丼)，吾使擔心睇吾明，因為改了少少，所以照我版本食譜來煮，一樣掂架！

（2人份）                         

材料：雞肶肉﹣﹣﹣1隻
洋蔥﹣﹣﹣﹣1個
雞蛋﹣﹣﹣﹣2隻(拌勻成蛋槳)
薑﹣﹣﹣﹣﹣1片
蒜頭﹣﹣﹣﹣2片   

調味料：
鹽﹣﹣﹣﹣﹣半茶匙
糖﹣﹣﹣﹣﹣1／4茶匙
粟粉﹣﹣﹣﹣半茶匙
胡椒粉﹣﹣﹣少許
萬字醬油﹣﹣1茶匙
調理酒﹣﹣﹣1茶匙
麻油﹣﹣﹣﹣半茶匙
醬汁：
熱水﹣﹣﹣﹣3／4杯
海鮮素﹣﹣﹣半茶匙
萬字醬油﹣﹣2茶匙
味醂﹣﹣﹣﹣1茶匙

做法：

1．雞肶肉去骨切片，放入薑片和蒜片，落調味料拌勻。洋蔥切片。2．先炒熟雞肉上碟備用。

3．原鑊炒洋蔥，落少許鹽＋糖＋胡椒粉，放回2．再炒勻。熄火。

4．轉用一個尊煮丼飯用嘅平底鑊(10蚊店有得買)，每次只能煮1人份，所以我就分咗兩次煮。放入1份洋蔥雞肉，然後加入醬汁(當然只入一半啦！)，開大火煮至滾起，加入蛋槳快快搞拌後熄火。

5．放上碗白飯上，加紫菜絲點綴,(喜歡辛口味嘅你加少少七味粉都好味架！),親子丼完成喇！

p.s. 請不要用本地豉油，味道吾好而且比較咸，煮出來效果一定吾理想架！煮日本菜始終都係用日本調味料好好多！！

✿Cute太太✿ at 07/26/2013 01:42 pm comment

Very good ar. 請問"海鮮素" & "味醂" 在哪裡買到？

Jessica Tak Tak Lui at 07/26/2013 05:09 pm reply

"海鮮素"喺百佳都搵到, 而 "味醂" 喺日資超市, 例如:Sogo, City Super.... 材料相中左上角嗰支, 寫:"本みりん"就是!! Happy Cooking~ ^_^

粟米石斑飯

參考過好多BLOG友嘅食譜, 大部份睇到相片已經覺得麻麻, 始終都係鬼嫁至正!所以我一於跟佢煮, 結果當然超理想啦!

其實上次已煮過一次, 不過我買錯whole sweet corn, 吾係cream style嗰隻, 所以另加cream，結果好鬼死甜。

魚就當然吾係石斑啦～家常便飯啫，所以咪用鯰魚代替囉！效果吾錯架！

材料（2﹣3人份）：

鯰魚柳     600g （切件）

鹽及胡椒     各1/4茶匙

油     約300ml

炸粉     適量（看包裝指示）

粟米汁材料：

忌廉粟米        1盒或1罐

牛奶      200ml

味醂　　1湯匙（或1茶匙糖）

雞蛋     1隻
鹽      少許

1．先將魚柳搽勻鹽＋胡椒調味，待10分鐘。
2．炸粉開水後變粉槳，每件魚柳浸勻粉槳後落鑊用中火炸至金黃色。

有人喜歡用麵包糠，但我和鬼嫁都喜歡用炸粉，因為可省去蛋和麵粉步驟，用粉槳只係加水，而且又脆口，非常鍾意。







 
3．油一定要夠熱，炸出來才脆口。炸好魚柳用架剩乾油(不要用吸油紙，反而會更加吸油的)。

4．忌廉粟米加牛奶，味醂，鹽用中火煮8分鐘，中途不斷攪拌。(鬼嫁用300ml牛奶，不過我覺得200ml比較好)最後打勻蛋，加入粟米汁攪拌，熄火。

完成