Chicken Nugget

蒜茸馬蹄雞寶(自家製)

昨天晚餐炒米粉，但覺得有點單調，所以就整個Chicken Nugget做伴碟。

我覺得好好味啊，不過囡囡就想食純雞肉味，下次會試下吾加蒜茸和馬蹄啦！

今次吾炸改為煎，冇咁熱氣而且又香口啲。

加入馬蹄粒，食時爽口，增添口感！

蛋，粟粉，麵粉，鹽，胡椒粉，油，拌勻後續小塊細火煎香！

晚餐配啤酒！！^_^

下午茶配咖啡！！^_^

鶏の手羽中と蓮根の煮物

如果直譯應叫做蓮藕炆雞翼，不過這是日本菜，而且是我奶奶教我煮，所以用原名比較親切。
其實煮法相當簡單，不過配搭就要講究，對於我呢個“差不多先生”性格，初時真覺得有點煩，但自從用心鑽研烹飪後，開始對每個細節都非常講究，吾再做“差不多先生”啦！
材料：所有根部蔬菜都OK；配以雞肉或雞翼。
講究就係如果用雞肉就不要薯仔，雞翼就必需配薯仔喇！
大約選擇3種蔬菜，太多就雜亂喇，要亂切細件(乱切り)。鍾意可加蒟蒻，都可以架！
看看今次材料啦！

材料：

雞翼(中部)﹣﹣﹣8隻

蓮藕﹣﹣﹣1節

紅蘿蔔﹣﹣﹣1個

薯仔﹣﹣﹣2個

白芝麻﹣﹣﹣少許

1。所有蔬菜亂切細件，蓮藕薯仔浸水避免發黃。雞翼＋(醃料:豉油2湯匙,酒1湯匙)醃15分鐘。

2。先炒香雞翼(半熟OK)，備用。原鑊炒蔬菜，加少許鹽+胡椒粉，炒數分鐘加入2/3杯熱水，加1茶匙海鮮素，拌勻蓋上煮片刻。放回雞翼蓋上細火煮15分鐘。

3。加入2湯匙豉油+1湯匙味醂+2茶匙糖，煮數分鐘，加入少許麻油和白芝麻，熄火。

p.s.豉油要選用“萬字醬油”，和日本料理酒呀！

香炸馬拉雞球

非常之簡單烹調，因為用現成馬拉炸雞粉煮，再花少少心思就可以連賣相都得體喇！

材料：
雞脾肉﹣﹣﹣2隻(去骨)
馬拉炸雞粉﹣﹣﹣1包

調味：
調理酒﹣﹣﹣少許
胡椒﹣﹣﹣少許
海鹽﹣﹣﹣少許
沙律醬﹣﹣少許
七味粉﹣﹣少許

配料：
紫菜杯﹣﹣﹣10～15個


1。先將雞肉去皮，切件

2。加調理酒和胡椒，拌均。

3。雞肉和炸雞粉放入膠袋裏打結，搖勻！(哎呀！又睇到我飲酒喇！)

4。放入熱油轉至細火炸至金黃色。

5。盛起已炸好雞肉，排好紫菜杯，杯上塗上少許沙律醬。

6。每件雞肉放上杯上，灑海鹽和七味粉。

＊用了日本之旅戰利品之一：紫菜杯和海鹽

香草焗雞大髀

每馮招待朋友在家吃飯都忙不開交，就連寫blog隻眼都半開合喇～

不過看見食得開心又比面全部食哂！𠴱種滿足感真係難以用筆墨嚟形容！

所以令我對烹飪興趣有增無減。
煮雞髀其實都好簡單，最好就醃一晚，因為咁大隻要長時間入味。
所有配菜例如沙津啦意粉啦，都冇假手於人，全部一手包辦。
就連甜品都親手泡製，甜品是“藍莓scone”，引用糖漬柚子scone，請按此重溫啦！

言歸正傳，如標題香草焗雞大髀，所用的香草便是“Thyme and Rosemary”。
很喜歡用呢兩種香草，是最佳拍擋。
調味：鹽，胡椒粉，Thyme，Rosemary；塗滿全身然後醃一晚。焗爐預熱220C，焗盆塗上橄欖油放上焗40分鐘，間中要翻轉再焗；為了整色整水，塗上老抽，當堂變靚仔。

＊記得焗時才塗老抽，如果吾係未熟已經燶哂！

【配菜】香蒜舞茸洋蔥意粉

1。所有(舞茸，洋蔥，蒜頭)材料切好洗淨。
2。熱水＋2湯匙鹽落意粉大火煲8分鐘，意粉備水後加入橄欖油拌勻備用。煲完嘅水一半留用。

3。熱鑊炒香材料，加鹽＋胡椒粉；加入意粉水，放入1粒雞精，煮至收水。(可以用雞湯代替，咁就吾使留意粉水喇！)
4。放回意粉搞拌，灑芝士粉，拌勻。上碟！

剛焗好嘅雞肉好𣙙滑，好juicy，食到舔舔脷！

p.s. 配菜漏咗介紹啡菇(我喜歡吃菇)，煮法簡單，因為用皇后煲，所以冇水冇油煮，剩係加少許鹽＋胡椒粉，蓋上煮至軟身，OK!

我認為擺碟都吾可以馬夫，擺得靚靚，胃口即時大增，食都特別開心啦！你話係咪？

舸兒 at 07/19/2013 11:44 pm comment

好有水準哦！有外國餐廳的水平呢！

Jessica Tak Tak Lui at 07/20/2013 11:18 pm reply

太過獎喇！我會繼續努力，請多多支持！^_^