九州攻略之廣島宮島(紅葉の旅🌸)

又去福岡? 應該都無咩別特, 無咩嘢好寫啦! 錯。。每次感覺都吾同, 有時開心, 有時興奮, 總之感覺都是良好的。喜歡這個地方, 環境氣候食物等等都很適合我, 加上對日本文化特別喜愛。這是從小已愛上, 日本劇,歌曲,時裝,雜誌, 通通都着了迷。當時啲零用錢吾多, 但就全部被奉獻。好彩終於有回報! 💑

☆☆☆☆☆☆☆☆☆☆

一到埗就爭取時間去shopping, 去天神地下街是指定動作, 遊了5個鐘都吾夠, 實在太忘形了, 連回家時都竟然迷路, 剛好遇見奶奶正落樓下找我們, 真的有點不好意思。

可能你會話帶住咁大個喼點遊5個鍾呀? 其實日本真係好方便, 幾乎所有電車站地下鐵都有儲物櫃, 放好個喼就可以慢慢遊啦!

出發喇~

這間Natural Kitchen 雜貨店是我很喜歡的, 入了去就有排都吾出嚟。連朋友都有共鳴! 合併相 👏

日本到處地方店員的態度都好親切, 笑容甜美, 印象難忘。

  

這間蘋果批專門店新開張, 位置在天神地下街, 初嘗試就買了6件返屋企。味道果然一流, 下次再來都會買!!

😆🔃英文叫"RINGO🍎"、日文叫"APPLE🍏"🔃😆

 

(中場休息, 差足電後又再出擊。)
真係吾明,嚟過咁多次都係行極都吾會厭。購物是女人的天性, 我認架!!! 隨意入去邊一間麵包店啲麵包都好好食(Starbucks就一定吾去,因為實在太過泛濫,見到都驚。) 最緊要係叫店員叮番熱啲食物, 新鮮熱辣又夠香軟, 味道一流啊! 🍩☕👍☺

返回屋企啦! 一入屋Rara🐩就熱烈歡迎我哋, 次次都係咁, 佢實在太熱情喇! 佢真係好人見人愛架! 😍

家庭料理之"漢堡肉"和"麵豉湯"。妹妹邊吃邊讚好味, 看來我要再努力鑽研, 炮製一餐給妹妹品嚐! 

 

由於老公家鄉係福岡, 所以每年要回家探親, 所以去過無數次, 不過今次有啲吾同, 一來是同細妹去, 二來今次去欣賞"紅葉"。
今年比較和暖、所以紅葉不算多, 如果可以遲多一個星期去就會非常好。 雖然有點可惜, 但絕對無影響心情、一樣開心。😄

今次去廣島日本三景之"宮島", 由JR博多駅筑紫口集合,晨早7點搭旅遊巴出發, 來回4小時車程, 都幾長途;中途在小倉駅停留接載另一批客人上車, 然後直駛往廣島。

宮島 嚴島神社

広島県廿日市市宮島町１−１

參觀費：日幣￥300

宮島觀光協會：http://www.miyajima.or.jp/ (有潮汐表可參考)

 
今次行程本來打算去小倉, 因為妹妹想去一間教會書店買東西, 由於太遠所以放棄, 估吾到有縁可以到此一會(雖然剩係影個牌)

 

除了去宮島, 中途會停留錦帶橋一帶觀光, 拍照和食雪糕。🍦

 

                                                           ⇈看見後面個牌幾多款式, 真係好難選擇, 諗咗好耐, 最後都係叫咗原味雲呢拿, 好笑俾阿妹大聲話~ "唓" ~

到了宮島棧橋需要搭(去片👉)觀光船🚢去對岸的宮島, 路程只需數分鐘, 快過由香港去尖沙咀, 鍾意遊船河就會覺得吾夠喉!

 
長途跋涉之後首先要醫肚啦! 一到埗便進入一間酒店享受午餐, 長崎出名蠔, 所以午餐是全蠔宴, 先嚟個穴子(鰻魚)蒸飯放題, 不過見到成份餐咁多嘢食咁豐富, 緊係冇添飯啦, 如果要添食嘅話,我想食多份橙。😋炸蠔, 煮蠔, 生蠔😋

 

湖水倒影的景象製造出一幅美麗圖畫。💟

潮退時可以步行過對面海中心的大鳥居, 因為當時是潮漲,要過去就要搭小舟⛵, 不過我就手指指算喇! 👆

 

到處都見到鹿, 吾怕人, 不過就吾可以餵食, 附近商店有好多鹿的記念品賣, 買番個鹿公仔, 睇下佢幾得意。😏

 

估下呢對手把是甚麼? 估中冇獎! 🍥

和紅葉拍照留念！🎴

(Walking with my little friend ~ ) 😘♫

宮島銘菓 -- 紅葉饅頭💮 味道有紅豆, 奶油, 抺茶, 芝士, 朱古力; 

全部用機器製造, 每日生產, 保證新鮮衛生。 吾信? 即刻去片👈

 

這道橋睇落又幾似條錦帶, 吾怪得叫"錦帶橋" 啦! 不過地面啲石好大舊, 要好小心行, 鍾意腳底按摩嘅, 就要嚟行下喇!

 

條橋弧度很淺, 所以梯級好密, 好容易差錯腳, 奶奶就吾小心捽低, 好彩冇大礙, 之後全程就要做護駕使者😌。可以看見紅葉其實吾多, 下圖見到的已經好多架喇!! 當日天氣好晴朗, 感覺好舒服。

 

 




回程在旅遊巴食晚餐, 呢款岩國寿司味道吾錯, 都幾多料, 睇落好似得兩舊飯, 但其實都幾飽, 如果舊飯可以再軟熟少少就好喇!!(叮熱埋就更加好) 🍱

今次嚟到福岡與往時很吾同, 因為去了很多新地方。以下這間叫"白金茶房", 喜歡食pancake的朋友, 不妨試下。餐廳位於薬院站, 步行7分鐘, 門前好似入咗園林, 很多樹木圍繞, 不過建築物的門牌比較清楚, 所以都會容易找到的。

Click入網址👉白金茶房

 

 

這款classic pancake, 即是原味pancake, 配奶油和蜜糖,焦糖 兩款糖漿。每蝶有兩塊, 味道剛好, 香甜鬆軟。米以為細細塊吾夠食, 到尾都係食吾晒呀!!

兩姊妹雞啄吾斷, 傾到入黑都吾知, 如果吾係要趕返屋企食飯, 真係會有排傾。

 

 
(我們兩個已經棄權了!)

(由下午茶時段坐至天黑, 門牌都幾閃亮) (由樓上望下去見到一班咖啡師)

 

咖啡好好飲, 因為好鍾意飲咖啡, 每日要飲兩杯, 所以要買包番香港慢慢歎! (有分濃煎,中煎,淺煎; 我買了淺煎, 好mild吾錯)☕

到了第二天,行程都係繼續Shopping, 吾好俾佢停。🏬

✨(十字架頸錬)來到教會書店我都能夠買到野, 真犀利! 👍

 

 
又要停低下午茶, 呢間ＲＥＣ　ＣＯＦＦＥＥ咖啡和三文治好好味, 位置在博多駅０１０１百貨店, 吾記得幾樓、對面係書店, 都好易認。

 

 
 拉花功夫好醇熟, 當面向客人展示, 服務吾錯, 食物都好味道。看見拉花師傅藝術一流, 當然要拍片留念啦! --> 👩心心花

至於講到食, 一定要嚟呢間食串燒, 每次返福岡都會去。這間VIP房是我們專利, 因為每次都一樣, 已經成為熟客仔嘛! 🍡🍢🍙

美久馬 赤坂店

住所: 〒810-0042 福岡県福岡市中央区赤坂3-9-311F

電話番号: 092-732-5886

 

 

 

 
真係好好笑, 次次都玩得好開心, 就係筷子夾蛋黃表演, 經過多次失敗嘅我, 今次終於有一個完美的演繹。🍳🍳🍳

👉本人表演

👉妹妹表演

Noriko表演

江戸銀寿司割烹

2-10-24 Befu Jonan-ku Fukuoka Fukuoka

福岡県 福岡市城南区 別府 2-10-24

☎+81-92-821-4156

好近屋企, 而且質素又非常高嘅寿司店, 基本上任何一款美食都好好味, 所以每次都必去, 吾去都會叫外賣返屋企食! 🍣

🍵[廣告時間]

“十宝草”，十種調合的焙茶。茶質溫和，適合男女老幼飲用。平常飲用麥茶的朋友，可以嘗試飲用十宝草，亦可以配合麥茶飮用。🍵

🌿一包400g, 可保存一年。
$200包，先入數，貨期明年1月5日(因為直接去日本入貨）。想購買，請私訊我👩 
👉十宝草特徵：魚腥草,寒雨茶,山白竹,馬尾草,甘草,麥茶等配合適當份量的補健茶。

👉👉🏻飮用方法：(即飲)一茶匙十宝草熱水浸3分鐘，便可飲用。(煲飲)10g十宝草入茶袋,放入一公升水的茶煲裏煲5分鐘。(熄火後可放入一包麥茶),可自行調較濃淡。(凍飲)煲好的十宝草，待放涼後入膠樽，然後放入雪櫃，可隨時代替清水飲用。
👉👉🏻保存方法：開封後，避免蟲蟻走入和潮濕，最好放入密封瓶保存。

 

 

第一次去的大型商店【驚安殿堂唐吉訶德(24H)】

中洲店基本上其實也不用列地圖了

在福岡地下鐵「中洲川端」站

往4號出口方向

即可看到這個Gate's商業大樓

唐吉軻德就在這邊二樓!

價錢比出面平, 而且又可以即時退稅, 宜家日本政府又放寬退稅制度, 只要買任何貨品加埋滿¥5,000就可以退稅, 所以一定要嚟啊! 而且仲有受歡迎的限定版"一蘭拉麵(公仔麵餅)"🍜, 一風堂拉麵我都有買; 文具雜貨等等... 還有很多不能盡錄。

p.s. 提一提, 吾係所有貨品都有退稅架! 買時最好問多句! 

 

 

 

每朝都會食份豐富早餐先出門, 不過臨走去機場時先發覺原來今次旅程冇食過拉麵(相中碗麵係喺香港食架!)、所以好飽都要食, 咁先至似樣。雖然味道一般, 收住貨先, 下次一定食好啲! 😋

 

 

好喇! 到了旅行最後一天, 有點依依不捨, 和我拍檔同大家講拜拜喇! 個袋係咪好靚呢! 有4個尺碼20個顏色咁多架!有興趣請click入➔CILOCALA®參觀選購啦!! 🆒

🔗🔗🔗🔗🔗🔗🔗🔗🔗🔗🔗🔗🔗🔗🔗🔗🔗🔗🔗🔗