日本之旅＠表參道/六本木﹣8Aug

第4天喇～呢兩日博得太盡，所以今日就要悠閒一點，訓到10點起身就出發去渋谷搵野食。

睇下我個樣就知訓足覺啦(幾飽滿)!

漫無目的地搵野食, 心想搵有特色嘅,因為好想比妹妹體驗一下, 幸好比我搵到間自家式炸豬扒店!
店舖細細, 大約可容納20人啦!由兩位中年夫婦打理, 住家式, 好有親切感呀!
Counter(見圖有幾位打工仔坐嘅位子)隔離擺部電視機, 播放野球比賽, 老板就一邊煮食一邊和老婆傾球賽, 好鬼死恩愛架!
雖然係炸豬扒店, 但我和妹妹就叫咗炸蝦和炸海鮮定食, 剛剛炸好脆卜卜, 好好味啊!(幾乎燙傷口唇添)

之後就搭地鐵去表參道, 去搵下我讀嗰間日本語學校重有冇先!
經過見到有間香港糖朝, 嘩!都幾架勢啝! 食完飯冇幾耐又走去歎杯咖啡, 仲食件tart添!

真係比我搵到我間學校啊!(眼現淚光), 青山國際教育學院(舊名:青山日本語專門學校), 即刻要影相留念啦!!

然之後就shopping, 去表參道山, 沿路去到原宿, 不過就到此一遊算喇! (原宿係啱啲靚仔去，吾啱我嘅！)

今日午餐食乜?
答案: 炸海鮮定食

睇下我哋幾無聊，玩互拍！

今日晚餐食乜?
答案: 火鍋放題
地點:六本木

點解要去到六本木食火鍋？其實想去食廻轉壽司，以前有間叫“びっくり寿司”，又大件又好食，點不知搵吾番，用google map查連名都冇埋。
所以咪又漫無目的搵野食囉！點知比我搵到間正野，雛鮨八山 六本木店、しゃぶしゃぶ高級寿司食べ放題！

壽司任食(20件止)，牛肉豬肉任食放題！！
而且服務員態度親切，點菜時耐心介紹，真係名符其實高級店，但係就一啲都吾貴！

已經飽到不得了，妹妹仲叫多一碟牛肉，真係真人不露相！

最後食埋飯後果(超甜蜜瓜)，夠啦夠啦！！食飽返酒店早啲訓囉～聽日早機走喇！

michelle at 08/23/2013 04:58 pm comment

好開心呀谷友!有無新敗物呀?

Jessica Tak Tak Lui at 08/24/2013 10:43 pm reply

呵呵！好開心啊～好想買個LC㗎，太重驚超磅囉(其實已經超咗)！