日本之旅＠築地/馬喰橫山﹣7Aug

第二站便是築地，對上一次去築地已是20年前，記得是冬天去食海鮮火鍋，仲記得啲海鮮好新鮮，非常好味。

不過今次就專誠去食壽司，聽人講要排好耐隊，所以好早便出發。

好驚訓過龍，所以琴晚訓得吾多好，睇下我個樣都似未訓醒咁！

今日吾係週未或假期，所以冇見人龍現象，其實我就覺得邊間都一樣，今次我就簡“虎杖”，特價餐2,500円(９件壽司＋麵鼓湯)，好新鮮好好味！

埋單時和這位親切店員影番張相留念。

食完個豐富早餐後，就蕩下這個出名嘅“築地市場”喇！

接住是去了馬喰橫山，是批發集中地，只去了兩間已經花了數小時！如果時間許可好想去多幾間。
MDM和丹波屋，這兩間都主要賣文具，日用品和精品；比正價平大約30﹪，要入場證，好彩早有準備！

今日午餐食乜？
答案：天丼
第1日酒店check in後已經去了淺草寺一趟，拜神和購物(請看日本之旅首頁)，因為今日買咗好多野，要返回酒店擺低戰利品和休息一下，所以又再去淺草寺。
而呢間“大黑家”位於淺草雷門寺街道，係我至愛嘅天婦羅店，第1次食炸雪糕就係呢間喇！不過今次冇食。

多年後重返，令我又懷念又感動，望住碗至愛有點眼濕濕添！
大黑家實在太出名喇，每次去都要排隊，今次都吾例外。烈日當空之下真係有啲辛苦(大汗搭細汗)，好彩我哋後生，頂得順！

今日晚餐食乜？
答案：和風意粉
又係一間令我又懷念又感動嘅餐館，因為好想去食所以特登去新宿。

望住碟至愛又有點眼濕濕添！

今日真係好鬼攰，肯定今晚好好訓。
聽日可以訓昼少少，養足精神又要進軍！